"Манчестер Юнайтед" вингери Антони ўзини бошқа клубда синаб кўришга тайёр. Бразилиялик футболчи мавсум бошида Эрик тен Хаг томонидан ишонч билдирилмаган футболчилар қаторида эди.
The Sun Football хабарига кўра, Антони ҳозирги вазиятдан мамнун эмас, шунинг учун у ижарага кетмоқчи. 24 ёшли футболчига асосий даъвогар "Фенербахче" бўлиб кўрилмоқда, у яқин кунларда шартномани якунлаши мумкин - Туркияда трансфер ойнаси ҳали очиқ.
Футболчининг шартномаси 2027 йилгача мўлжалланган ва унинг трансфер қиймати, Transfermarkt портали маълумотларига кўра, 25 миллион евро.
