Миллатлар лигасининг 2-туридан ўрин олган Франция – Бельгия учрашуви 2:0 ҳисобида мезбонларнинг ишончли ғалабаси билан якунланди.

Голларга "ПСЖ" вакиллари Рандал Коло Муани ва Усмон Дембеле муаллифлик қилишди. Учрашувнинг 79-дақиқасида Антуан Гризманн майдонга тушди.

Ҳозирда "Атлетико"нинг 33 ёшли футболчиси Франция терма жамоаси сафида 137 та ўйин ўтказган. Ушбу кўрсаткичга кўра, у "уч ранглилар" тарихида Оливье Жируни қувиб ўтиб, учинчи ўринга кўтарилиб олди.

Фақатгина Лилиан Тюрам (142) ва Уго Льорис (145) терма жамоа сафида кўпроқ ўйин ўтказган. Уларнинг барчаси энди терма жамоада ўйнамаслигини ҳисобга олсак, Гризманнда биринчи ўринга чиқиб, дарвозабонлик рекордини янгилаш имконияти бор.

Эслатиб ўтамиз, Гризманн 44 та гол билан Франция тарихидаги энг кўп тўпурарлар рўйхатида ҳам 4-ўринни эгаллаб турибди. Антуан Килиан Мбаппе (48), Тьерри Анри (51) ва Жирудан (57) ортда қолмоқда.