"Ювентус" ярим ҳимоячиси Артур Мело яқин вақт ичида жамоани тарк этиши мумкин.
Бразилиялик футболчи "Бьянконерилар"нинг янги бош мураббийи Тиаго Мотта режаларига киритилмаган - футболчи жорий мавсумда бирорта ўйинда, жумладан, мавсумолди учрашувларида ҳам таркибга киритилмади. Инсайдер Фабрицио Романонинг сўзларига кўра, "Ювентус" бундай имконият мавжуд бўлган пайтда Артурни бошқа клубга қўйиб юборишга тайёр. Туркияда трансфер ойнаси очиқ, бундан Моттанинг режаларига кирмаган Филип Костич ҳам яқинда фойдаланди - серб "Фенербахче"га кўчиб ўтди.
Шу билан бирга, манбага кўра, Артур бўйича таклиф тушмаса, "Ювентус" уни қишки трансфер ойнаси очилгунга қадар таркибга қайтариши мумкин. 28 ёшли ярим ҳимоячи Чемпионлар лигаси ўйинларида иштирок этиши мумкин бўлган футболчилар рўйхатига киритилди.
