Франция терма жамоаси бош мураббийи Дидье Дешам "Реал" ҳужумчиси Килиан Мбаппенинг ўйини ҳақида гапирди.
"Килиан Мбаппенинг ҳозирги ўйини ҳақида қайғуришимиз керакми? Йўқ, Килиан ўзини яхши ҳис қилмоқда.
Кўриниб турибдики, у деярли барча ўйинчилар каби ўзининг оптимал формасига ҳали 100 фоиз етиб улгурмаган.
Ўзининг голсиз даврига келсак, у ўзига нисбатан жуда талабчан ва у албатта гол уришни бошлайди.
Балки Мбаппега ортиқча эътибор қаратаётгандирмиз. Аммо бундай дақиқалар бир зумда содир бўлмайди. Шунга қарамай, такрор айтаман – Франция термаси ўз таркибида Килиан билан доим кучли бўлган. Ишончим комилки, бир ой ичида у ўзини анча яхши ҳис қилади", – деди Дешам.
