"Челси" ва Аргентина терма жамоаси ярим ҳимоячиси Энцо Фернандес икки марта ҳайдовчилик қоидасини бузгани учун ҳайдовчилик ҳуқуқидан маҳрум қилинди.
Иш футболчининг йўқлигида кўриб чиқилди. Бу ҳақда Sky News хабар берди.
Манбага кўра, Фернандес харажатларни ҳисобга олган ҳолда жами 3020 фунт стерлинг миқдорида жаримага тортилган.
Аргентиналик ярим ҳимоячи 2023-йилнинг 28-ноябрида Кармартенширда Porsche Cayenne автомобилида қизил чироқ ёнганда йўлни кесиб ўтганликда айбланган эди.
Футболчи ўзини машина ҳайдовчиси деб таништирмаган ва ўтган йилнинг 27 декабрида полицияга маълумот бермаган.
