"Манчестер Юнайтед"нинг собиқ ярим ҳимоячиси қамоққа тушади.

Globo Esporte нашрининг GHZ нашрига таяниб хабар беришича, Андерсон икки фарзанд учун алимент учун 333 600 реал (тахминан 53 600 евро) тўламаган.

Порту-Алегре фуқаролик суди собиқ футболчини 30 кунга Instituto Penal Urmao Migel Dario қамоқхонасига юборишга қарор қилди.

Агар ёпиқ режимда бўш жойлар бўлмаса, жазони "ярим очиқ" режимда ўташ керак бўлади, яъни Андерсон кун давомида қамоқхонадан ташқарида ишлай олади ва кечқурун қайтиб келиши талаб қилинади.

Агар собиқ футболчи қарзини тўласа, қамоқ жазоси бекор қилинади.