Марказий ҳимоячи Уэсли Фофана ўтган ёзда "Челси"ни тарк этиши мумкин эди. 23 ёшли футболчи ўтган мавсумни хочсимон боғлами йиртилгани сабабли ўтказиб юборди. Яқинда "Марсель" франциялик футболчини сотиб олишга тайёрлигини билдирган, бироқ келишув амалга ошмаган. Марказ ҳимоячиси ушбу мавсумда "кўклар"нинг Премьер-лигадаги учта ўйинида ҳам бошидан охиригача ўйнади.
"Агар мен бу ҳақда ("Марсель"нинг таклифи] ҳақида ўйламаганман десам, ёлғон гапирган бўламан. Бу менга таъсир қилди, чунки ҳамма билади, мен бу клубни қўллаб-қувватлайман. Мен у ерга бориш ҳақида ўйладим, аммо ҳозирги мақсадим “Челси”да муваффақият қозониш.
Мен Марселдан келганман ва ҳеч қачон "Марсель" менинг клубим эканлигини яширмаганман. Лекин менинг "Челси" билан 2029 йилгача шартномам бор", - дея икки йил аввал "Челси" 80 миллион еврога сотиб олган Фофанадан иқтибос келтиради GFFN.
