Ярим ҳимоячи Ориол Ромеу "Жирона"га "Барселона"га қарши бўладиган ўйинда ёрдам бермайди.

32 ёшли футболчи ўтган ой бошида "кўк-анорранглилар"дан "қизил-оқлар"га 1 мавсумга ижарага ўтганди. Diario Sport хабарига кўра, "Жирона" "Барселона" билан бўлажак ўйинда ярим ҳимоячига умид боғлай олмайди. “Кўк анорранглилар” ижара шартномасига ўйинчига улар билан тўқнаш келадиган ўйинларда қатнашиши мумкин бўлмаган бандни киритган.

"Жирона" ва "Барселона" ўртасидаги учрашув 15 сентябрь куни бўлиб ўтади. Учрашувнинг бошланиши Тошкент вақти билан 19:15 га белгиланган.