30 июнь куни Серхио Рамос шартномаси тугагач, "Севилья"ни тарк этди ва энди эркин агент мақомига эга бўлди.
38 ёшли фахрийга Америка ва Саудия клубларидан бирига ўтиш эҳтимоли борлиги айтилганди, аммо бу вариантлар амалга ошмади.
Сўнгги ҳафталарда "Ботафого" Рамосга қизиқиш билдирган ва ўтган ҳафта томонлар ўртасида музокаралар бўлиб ўтган. Бироқ, ED нашри хабарига кўра, Бразилия томони собиқ "Реал Мадрид" марказий ҳимоячисининг талабларини қондиришни истамагани учун келишув муваффақиятсизликка учраган. Футболчи янги клуб излашда давом этмоқда.
