Про-лиганинг 19-турида Муборакнинг “Машъал” жамоаси Бухоронинг “Бухоро” жамоасига қарши майдонга тушади.

Учрашув расмийлари

Тошкентда бўлиб ўтадиган "Бухоро" ва "Машъал" ўртасидаги учрашувни Иброҳим Исмоилов бошчилигидаги ҳакамлар гуруҳи бошқаради. Исмоиловга қанотларда Амир Галеев ва Данил Яценко ёрдам беради. Захира ҳаками вазифасини Маъмур Илҳомов бажаради. Учрашувда ҳакамлар ишини Даврон Акмалов назорат қилади, учрашув комиссари эса Бекзод Арипов бўлади.

Ўзаро ўйинлар

“Машъал” ва “Бухоро” шу кунгача Супер лига (олий лига)да 34 бор Про лигада 6 бор, жами чемпионат баҳсларида 40 марта тўқнаш келган. Уларнинг 18 тасида “Машъал” , 9 “Бухоро” ютуққа эришган. 13 ўйин дуранг билан якунланган. муборакликлар рақиб дарвозасини 58 бор ишғол қилган бўлсалар, бухороликлар эса 42 гол уришган.

“Машъал”нинг ўзаро ўйинларда қозонган энг йирик ғалабаси – 4:0 га тенг. “Бухоро”да ҳам бу кўрсаткич 4:0 бўлиб турибди.