“Бунёдкор” ҳимоячиси Акмал Шораҳмедов Осиё Чемпионлар лигаси 1/8 финал учрашувининг биринчи баҳсида “қалдирғочлар”га ёрдам бера олмайди.

Гап шундаки, Акмал Шораҳмедовнинг мусобақадаги сариқ карточкалари сони иккитага етди. У илк огоҳлантиришни 3-тур доирасида “Бунёдкор” – “Бейцзин Гоан” учрашувида олган эди. “Поханг Стилерз” майдонида ўтган олтинчи турда эса ўнг қанот ҳимоячимиз иккинчи сариқ карточкасини “ишлаб” олди.

Демак, Акмал Шораҳмедов плей-оффнинг биринчи учрашувида майдонга туша олмайди.