"Наполи"нинг собиқ ярим ҳимоячиси Марек Гамшик фаолиятидаги қайси мураббийни энг яхши деб билиши ҳақида гапирди.
Словакиялик футболчи фаолиятининг энг яхши йилларини 2007 йилдан 2019 йилгача Италиянинг “Наполи” клубида ўтказган. Гамшик футболчилик фаолиятини ўтган йилнинг июль ойида якунлаганди.
Ҳозирда собиқ ярим ҳимоячи Словакия терма жамоасида Франческо Кальцонанинг мураббийлар штабида ишлайди, шунингдек, клубнинг ёшлар жамоасини тарбиялайди.
"Менинг энг яхши мураббийим? Маурицио Сарри. Менга бошқалардан кўра у билан футбол ўйнаш кўпроқ ёқди.
Ўшанда мен Саррининг ёрдамчиси бўлган Кальцонани учратиб қолгандим", - деди Гамшик.