“Ливерпуль” ҳужумчиси Муҳаммад Салоҳ билан ишловчи агент Рами Аббос Исса юлдуз футболчининг келажаги ҳақида гапирди. Хабарингиз бор, Салоҳнинг мерсисайдликлар клуби билан амалдаги шартномаси 2025 йилнинг ўрталарига қадар тузилган.
"Маълумот учун, Муҳаммаднинг келажаги ҳақида "ички маълумотларга" эга эканлигини таъкидлаётган бу "журналистлар" ҳеч нарсага асосланмаган баёнотларни нашр қилишмоқда. "Муҳаммадга яқин манбалар", деган нарса йўқ. Мен буни сизга улар ҳеч нарса билмаслигини айтиш учун ёзяпман", деб ёзган Исса ижтимоий тармоқда.
Ҳаммаси бўлиб Муҳаммад Салоҳ "Ливерпуль" сафида 352 та расмий ўйинда майдонга тушиб, бу ўйинларда 214 та гол урган ва шериклари сафида 92 та голли узатмани амалга оширган. Салоҳ шу йилнинг ёзида 32 ёшга тўлди.
