“Liverpul” hujumchisi Muhammad Saloh bilan ishlovchi agent Rami Abbos Issa yulduz futbolchining kelajagi haqida gapirdi. Xabaringiz bor, Salohning mersisaydliklar klubi bilan amaldagi shartnomasi 2025 yilning o‘rtalariga qadar tuzilgan.
"Ma’lumot uchun, Muhammadning kelajagi haqida "ichki ma’lumotlarga" ega ekanligini ta’kidlayotgan bu "jurnalistlar" hech narsaga asoslanmagan bayonotlarni nashr qilishmoqda. "Muhammadga yaqin manbalar", degan narsa yo‘q. Men buni sizga ular hech narsa bilmasligini aytish uchun yozyapman", deb yozgan Issa ijtimoiy tarmoqda.
Hammasi bo‘lib Muhammad Saloh "Liverpul" safida 352 ta rasmiy o‘yinda maydonga tushib, bu o‘yinlarda 214 ta gol urgan va sheriklari safida 92 ta golli uzatmani amalga oshirgan. Saloh shu yilning yozida 32 yoshga to‘ldi.