"Нефтчи" бугун Суперлиганинг 18-турида "Пахтакор" меҳмони бўлади. Чемпионат тарихига назар солсак, ушбу жамоалар ўзаро 59 тўқнашувда иштирок этган (28 ғалаба тошкентликларда, 22 ғалаба фарғоналикларда ва 9 дуранг). Мавсумнинг биринчи даврасидаги баҳсда эса Аскер Нажафалиев иш олиб борган ва унда "шерлар" 0:2 ҳисобидаги ғалабани қўлга киритган.
Бу клублар ўртасида энг кўп бош ҳакамлик қилган сифатида Ноил Лутфуллинни айтиш мумкин. Собиқ рефери 11 марта бу жамоалар иштирокидаги ўйинларни бошқариб борган. У ишлаган баҳсларда ўртача 3,1 тадан гол урилган.
Бугунги учрашувда эса Тимур Тўхтасинов бошчилигидаги ҳакамлар жамоаси ишлаши кўзда тутилган. У илк бор мазкур клублар ўртасидаги ўйинни бошқариб боради.
