"Манчестер Сити" бош мураббийи Пеп Гвардиола аргентиналик мутахассис Маурисио Почеттинога АҚШ терма жамоасида омад тилади.
"АҚШ жамоасига омад тилайман. У ерда менинг дўстларим бор. Уни биринчи тоифали мураббий, тажрибали мутахассис деб биламан.
АҚШ жамоасини бошқариш ва миллий терма жамоани кейинги босқичга олиб чиқиш унга жуда ажойиб тажриба беради.
Қўшма Штатлар одамлар сони ва спортга эътибор туфайли катта салоҳиятга эга. Агар у шундай қарор қилган бўлса, бу унинг учун яхши", - дея Гвардиоланинг сўзларини келтиради Goal.
