Мадриднинг "Реал" клуби "Сантьяго Бернабеу"даги барча концертларини баҳоргача бекор қилди.
Мадрид клуби матбуот хизмати хабарига кўра, Жанубий Кореянинг Music Bank гуруҳининг 12 октябрь куни "Сантьяго Бернабеу"да бўлиб ўтиши керак бўлган концерти бекор қилинган.
Стадионда ноябрдан мартгача ўтказилиши режалаштирилган бошқа концертлар бошқа муддатга қолдирилади. Қарор Мадрид маъмуриятининг қабул қилинадиган шовқин даражаси бўйича талаблари билан боғлиқ.
"Ушбу қарор клубнинг концертлар вақтида амалдаги муниципал қоидаларга қатъий риоя этилишини таъминлаш мақсадида амалга оширилаётган чора-тадбирларнинг бир қисмидир. "Сантьяго Бернабеу"нинг овоз ўтказмаслиги ва кўрилган қўшимча чораларга қарамай, турли ташкилотчилар ва промоутерлар томонидан ушбу стандартларга риоя қилиш қийин эди.
"Реал Мадрид" стадионимизда концертлар ўтказиш имконини берадиган овоз ишлаб чиқариш ва трансляция қилиш учун зарур шарт-шароитларни яратиш устида ишлашда давом этади.
Концертлардан ташқари, "Бернабеу" кўплаб тадбирлар ва шоуларни ўтказиш учун жиҳозланган бўлиб, улар стадионни ривожлантириш лойиҳаси доирасида давом этади.
"Реал" Мадрид шаҳри билан барқарорлик ва ҳамкорлик масалаларида ишлашда давом этади ва ҳар доим стадион фаолияти клубнинг шаҳар манфаатларига содиқлигини кафолатлаши ва шаҳар муҳитига фойда келтириши учун ҳаракат қилади", - дейилади "Реал Мадрид" баёнотида.
