«Барселона» 16 ёшли ярим ҳимоячи Гилье Фернандесни Ла Лиганинг 5-туридан ўрин олган «Жирона»га қарши ўйин учун қайдномага киритди.

Гилье каталонияликлар тарбияланувчиси бўлиб, 2022 йилдан буён клубда тўп суради. Испаниялик футболчи «Барселона»нинг ёшлар жамоаси сафида 14 та ўйин ўтказиб, 1 та гол урди ва 1 та голли узатмани амалга оширди.

«Барселона» Испания чемпионати жадвалида биринчи ўринда бораётган бўлса, жамоа 4 учрашувда 4 та ғалабага эришди. «Жирона» билан ўйин бугун, 15 сентябрь куни «Монтилива» стадионида бўлиб ўтади. Бошланиш вақти - 19.15.