"Бавария" ярим ҳимоячиси Жошуа Киммих жамоаси билан шартномасини узайтиришга тайёр. Бу ҳақда Германиянинг Sky Sport нашри хабар берди. Манба берган хабарга кўра, ярим ҳимоячи аллақачон раҳбарият билан мулоқотга тайёр.
Киммихнинг "Бавария" билан амалдаги шартномаси жорий мавсум охирида якунига етади. Ўтган ёзда "Манчестер Сити", "ПСЖ" ва "Барселона" каби клублар Жошуанинг хизматларига қизиқиш билдирганди, аммо немис футболчиси ҳеч бўлмаганда амалдаги шартномаси тугагунига қадар "Бавария"да қолишга қарор қилди.
Аввалроқ Киммих баъзи келишмовчиликлар туфайли "Бавария" билан янги шартнома бўйича келиша олмаганди, аммо ярим ҳимоячи аллақачон шартномани узайтиришга тайёр.
