Апрелнинг охирги ҳафтасида Қашқадарёда иккинчи лига (вилоят биринчилиги) баҳсларига старт берилди. Бу йил ҚФЛ чемпионатида 14та жамоа иштирок этадиган бўлди. Булар – “Нефтчи” (Китоб), “Семурғ” (Яккабоғ), “Шўртан” ФМ (Ғузор), “Шўртан-94” (Ғузор), “Пахтачи” (Бешкент), “Олимпия” (Қарши), “Ҳисор” (Шаҳрисабз), “Насаф” ФМ (Қарши), “Чироқчи” (Чироқчи), “Машъал” (Муборак), “Насаф” (Қарши), “Нуристон” (Нишон), “Бинокор” (Қарши), “Аланга” (Косон).

Ҳозиргача икки тур учрашувлари бўлиб ўтди. Баҳодир Шоймардонов бошқараётган “Шўртан” ФМ жамоаси 1-турда “Нуристон”га қарши тўп суриб, 1:3 ҳисобида мағлуб бўлди. Иккинчи турда эса сафарда “Бинокор” билан 3:3 ҳисобида дуранг ўйнади.

Комил Жўраев қўл остидаги жамоа “Шўртан-94” аввалига “Насаф” билан 2:2 ҳисобида дуранг қайд этди, кейин “Нуристон”га 1:3 ҳисобида имкониятни бой берди. Қуйида натижалар ва турнир жадвалини келтириб ўтамиз.

Вилоят биринчилиги. 1-тур.
Шўртан ФМ – Нуристон – 1:3
Шўртан-94 – Насаф – 2:2
Олимпия – Чироқчи – 1:1
Насаф ФМ – Ҳисор – 3:1
Пахтачи – Машъал – 4:3
Аланга – Нефтчи – 0:2
Семурғ – Бинокор ўйини бошқа кунга қолдирилди

Вилоят биринчилиги. 2-тур.
Машъал – Олимпия – 0:0
Бинокор – Шўртан ФМ – 3:3
Насаф ФМ – Аланга – 3:1
Чироқчи -Ҳисор – 0:0
Насаф – Пахтачи – 2:1
Нуристон – Шўртан-94 – 3:1
Нефтчи – Семурғ – 6:0