"Барселона" ярим ҳимоячи Дани Ольмонинг соғлиғини хавф остига қўйиш ниятида эмас.

26 ёшли футболчи яқинда "Жирона"га қарши ўйинда (4:1) жароҳат олганди. Журналист Тони Хуанмартининг сўзларига кўра, Ольмонинг жароҳати унчалик жиддий эмас, аммо "Барселона" футболчини "Бавария" ва "Реал" билан энг муҳим ўйинларда тўлиқ тикланиши учун қайтишга мажбурламайди. Клуб ҳужумкор ярим ҳимоячини октябрь ойидаги ўйинлар учун Испания терма жамоасига қўйиб юбормайди.

Дани Ольмо 20 октябрь куни бўлиб ўтадиган "Севилья"га қарши ўйинда майдонга қайтиши кутилмоқда. "Бавария" ва "Реал" билан учрашувлар ўша ойнинг 23 ва 27 кунларига белгиланган.