"Ливерпуль" бош мураббийи Арне Слот Чемпионлар лигасининг янги формати ҳақида гапирди.

"Футболни севадиган одам сифатида бизни ҳар оқшом қизиқарли ўйин кутиб олишини биламан. Масалан, эртага футболни севадиган барча ўйинимизни интиқлик билан кутади. Бу мухлислар учун ҳам, футболчилар учун ҳам ижобийдир", - дея Слот сўзларини келтиради УEФА расмий сайти.

Энди Чемпионлар лигасида гуруҳ босқичи бўлмайди. Бунинг ўрнига умумий ёки лига босқич пайдо бўлди. Ҳар бир жамоа учун ўйинлар сони олтитадан саккизтага кўпайди.

Саккиз тур якунларига кўра 36 та клубдан иборат жадвал тузилади. Шу тариқа 1/8 финалга дарҳол йўл оладиган энг яхши 8 та жамоа аниқланади ва 9-ўриндан 24-ўрингача бўлган клублар 1/8 финалга чиқиш ҳуқуқи учун плей-офф ўйинларини ўтказади.