"Ливерпуль" дарвозабони Алиссон Беккер "Милан" ҳужумчиси Рафаэль Леау ҳақида ўз фикрини айтди.
Сешанба куни Арне Слот жамоаси Чемпионлар лигаси доирасида "россонерилар" билан меҳмонда ўйнайди. Леау Италия грандининг энг хавфли футболчиси саналади.
"Биз унинг ўйинини диққат билан ўрганиб чиқдик. "Милан"да сифатли ўйинчилар ва юқори ҳужум салоҳиятига эга ажойиб жамоа бор. Ҳимояда ўзимизни кўрсатишга тайёр бўлишимиз керак.
Леау ҳозирда фаолиятидаги энг яхши даврни бошдан кечирмаётган бўлиши мумкин, аммо биз биламизки, ўйиннинг исталган лаҳзасида ҳаммаси ўзгариши мумкин. Ҳамма нарса бизга қарши бўлиб қолмаслиги учун мен ва ҳимоячилар концентрацияни максимал даражада ушлаб туришимиз керак", - деди бразилиялик дарвозабон.
