"Рома" ярим ҳимоячиси Никола Залевски дисквалификацияси сабабли клубни судга бериши мумкин, деб ёзади Николо Скира.
Олдинроқ 22 ёшли Залевски римликлар билан шартномасини узайтиришдан бош тортгани ва "Галатасарой" билан музокара олиб бораётгани ҳақида маълумотлар пайдо бўлганди. Шундан сўнг, "Рома" бош мураббийи Даниэле де Росси клуб бир қарорга келганини ва футболчини дисквалификация қилганини айтди.
Никола “Рома”дан уни зудлик билан таркибга қайтаришни талаб қилди, бироқ клуб иккиланиб қолди. Агар бу амалга ошмаса, польшалик футболчининг агентлари футболчини мажбуран қайтариш учун "Рома" устидан судга мурожаат қилишга тайёр.
Залевски "Рома" тарбияланувчиси, у 2018 йилдан бери клубда. Жорий мавсумда ярим ҳимоячи 5 учрашувда 1 та гол урди.
