Себастьян Хенесс "Реал" билан ўйинда (1:3) "Штутгарт"нинг ўйинини юқори баҳолади.
"Биз дадил ўйнашни, жасоратимизни кўрсатишни ва одатда Германияда ўйнаганимиздек услубимизга содиқ қолишни истадик. Албатта, натижадан ҳафсаламиз пир бўлди, лекин ўзимиз билан фахрлансак ҳам бўлади.
Ўйинни назорат қилишимизга ишонганимизда улар гол уришди. Биз тўпга яхши эга бўлдик, аммо кейин "Реал" гол урди. Ҳар икки жамоа учун ҳам кўплаб имкониятларга эга қизиқарли ўйин бўлди.
"Штутгарт" уни унутилмас кечага айлантиришга ҳисса қўшди. Бугун биз ўзимиз билан фахрланамиз. Мен футболчиларга нимага эришмоқчи эканлигимизни эслатдим ва биз режалаштирган деярли барчаси амалга ошди. Бошқа томондан, ғалабага жуда яқин эдик. Катта тажриба тўпладик ва бундан кейинги ўйинларда фойдаланамиз.
Куртуа, шубҳасиз, дунёнинг энг яхши дарвозабонларидан бири ва буни бугун яна бир бор исботлади. Футболда одамлар гол эвазига ютади ёки ютқазади. "Реал Мадрид" ҳимоя ва ҳужумда ажойиб сифатга эга. Бизнинг вазиятларимиз бўлди, аммо Куртуа ҳал қилувчи роль ўйнади", - деди "Штутгарт" бош мураббийи.
