Испания терма жамоасини ёзда Европа чемпионатида ғалабага олиб келган испаниялик мураббий Луис де ла Фуэнте ушбу муваффақияти учун УEФА томонидан махсус мукофот олди.
Бу Германия пойтахти Берлинда бўлиб ўтган УEФА мураббийлар конгресси вақтида юз берди. Бундай соврин биринчи марта топширилмоқда, дея аниқлик киритади derbyderbyderby.it.
Қолаверса, тақдирлаш маросимининг ўзи ҳам испан жамоаси жойлашган меҳмонхонада бўлиб ўтди. Совринни олгач, де ла Фуэнте яна 45 дақиқа давомида йиғилганларнинг саволларига жавоб берди, улар орасида Португалия терма жамоаси устози Роберто Мартинес, шунингдек, Фабио Капелло каби шахслар ҳам бор эди.
