Мадриднинг "Реал" клуби бош мураббийи Карло Анчелотти ҳужумчи Эндрикнинг иқтидори ҳақида гапирди.
Эслатиб ўтамиз, 18 ёшли бразилиялик футболчи кеча Чемпионлар лигасида дебют қилди ва Германиянинг "Штутгарт" дарвозасига гол урди.
"Эндрикнинг ўзига хос иқтидори бор. Унда жасорат ва сифат бор. Унинг зарба бериш маҳорати ақл бовар қилмайди. Мен Эндрик бир неча дақиқа захирадан майдонга тушган бўлса-да, гол уришига ишончим комил эди", - деди Анчелотти матбуот анжуманида.
Эндрик “Реал” сафида барча мусобақаларда иккита гол урган. Кеча "Қироллик клуби" "Штутгарт"ни 3:1 ҳисобида мағлуб этди. "Лос-Бланкос" сафида Эндрикдан ташқари Килиан Мбаппе ва Антонио Рюдигер ҳам гол уришди.
