"Манчестер Юнайтед"нинг собиқ ҳужумчиси Антони Марсьяля фаолиятини Грецияда давом эттиради. Бугун 28 ёшли франциялик футболчи Афинага етиб боради ва АЕК билан шартнома имзолайди, дея хабар беради клуб ижтимоий тармоқлари.

Марсьяль шу ёзда "Манчестер Юнайтед"ни тарк этганидан бери эркин агент бўлиб турибди. У 2015 йилдан бери "қизил иблислар" футболчиси саналади. Форвард жамоа сафида 317 та ўйин ўтказиб, 90 та гол урган.

Марсьяль фаолияти давомида “Монако”, “Севилья” ва “Лион” клубларида ҳам ўйнаган. У Франция терма жамоаси сафида 30та ўйинда 2та гол урган.