Дортмунднинг "Боруссия" клуби собиқ бош мураббийи Эдин Терзич фаолиятини Италия А Сериясида давом эттириши мумкин. Журналист Николо Шкиранинг хабарига кўра, босниялик мутахассис "Рома"нинг янги бош мураббийи лавозимига номзодлардан бири саналади.
Бугун клуб янги мавсумни омадсиз бошлаган Даниэль де Россидан ажралганини расман эълон қилди. Италиялик мутахассис шу йилнинг январ ойида Жозе Моуриньо ўрнига "Рома" бош мураббийи этиб тайинланганди.
Терзич ёзда "Боруссия Дортмунд"ни ички можаро туфайли тарк этганди. Ўтган мавсумда босниялик мутахассис немис жамоасига Чемпионлар лигаси финалига чиқишга ёрдам берганди.
