2025 йилда Филиппин ареналари аёллар ўртасида футзал бўйича илк ФИФА Жаҳон чемпионатига мезбонлик қилади.

Мусобақаларни ўтказиш бўйича ташкилотчилик тажрибаси билан яқиндан таништириш мақсадида ФИФА вакиллари Филиппин футбол федерацияси мутахассисларини мамлакатимизда бўлиб ўтаётган футзал бўйича Жаҳон чемпионатига таклиф этди.

Филиппин футбол федерацияси ишчи гуруҳи Жаҳон чемпионати ўтказилаётган шаҳарларда бўлиб, ФИФА ва маҳаллий ташкилий қўмита фаолияти билан яқиндан танишди. Мундиалнинг ташкилий масалалари, жумладан ареналарда амалга оширилган тайёргарлик жараёни, мухлислар учун яратилган шарт-шароитлар, иштирокчи жамоаларга тақдим этиладиган қулайликлар, стадионлар ва мезбон шаҳарлар бўйлаб амалга оширилган тарғибот ишлари, турнир вақтида шаҳарлараро транспортни йўлга қўйиш, маркетинг ва медиа тадбирларини ўтказиш, учрашувларни бутун дунёга эфирга узатадиган трансляция маркази фаолияти ўрганилди.