ЕЧЛнинг 1-турида "ПСЖ" ўз майдонида Испаниянинг "Жирона" клубини қабул қилади.
Учрашувдан олдин ташкил этилган матбуот анжуманида каталонияликлар бош мураббийи Мичел иштирок этди.
"Биз бу ерга уч йил аввалги фалсафа билан келдик. Биз уни ўзгартирмоқчи эмасмиз. Шундай пайтлар бўладики, ҳимояланишга тўғри келади, лекин тўпни ўзимизда сақлаб қолиш имкониятларини ва ҳужум йўлларини ҳам излаймиз.
Биз шу ерда бўлишни орзу қилардик. Бу барчамиз баҳраманд бўлишимиз керак бўлган орзу. Биз ўзимизнинг энг яхши томонларимизни кўрсатишимиз ва ўзимизга тўлиқ муносиб бўлган ушбу дақиқадан завқ олишимиз керак" - деди Мичел.
"ПСЖ" - "Жирона" беллашуви эртага соат 23:59да бошланади.
