Бир кунлик танаффусдан сўнг 45-Бутунжаҳон шахмат олимпиадасида баҳслар давом эттирилди. Бугун 7-тур ўйинлари ўтказилди.

Ўзбекистон эркаклар терма жамоаси Украинага қарши тўқнашувда ишончли ғалабани қўлга киритди. Нодирбек Абдусатторов рақибини жуда тез таслим этди. Шундан сўнг Жавоҳир Синдаров ҳам собиқ жаҳон чемпиони Руслан Понамарёвни мағлуб этди.

Шамсиддин Воҳидов ва Нодирбек Ёқуббоев ўз партияларида дуранг қайд этиб, якуний ғалабага ҳисса қўшишди — 3-1. Ўзбекистон ўз очколарини 12 тага етказиб, кучли учликка кириб олди.

Қизларимиз эса яна бир кучли рақиб устидан ғалаба қозонишди. Бу сафар Греция таслим этилди. Нодира Нодиржонова ва Умида Омонова рақибнинг хатосидан унумли фойдаланиб, ғалабага эришишди. Маржона Маликова ҳам ғалабага яқин эди, аммо устун вазиятни ғалабага айлантира олмади. Натижада бу партияда дуранг қайд этилди.

Биринчи рақамли шахматчимиз Афруза Ҳамдамова ҳам дурангга яқин эди. Аммо ўйин сўнгида биргина хато туфайли мағлубиятга учради. Якуний ҳисоб — 2,5 - 1,5.

Ушбу ғалабадан Ўзбекистон аёллар терма жамоаси ўз очколарини 11 тага етказиб, кучли ўнликдан ўрин олади.

Эркаклар терма жамоамиз

ЎЗБЕКИСТОН - УКРАИНА - 3 - 1.
Нодирбек Абдусатторов - Андрей Волокитин - 1:0
Нодирбек Ёқуббоев - Васил Иванчук - 0,5 - 0,5
Жавоҳир Синдаров - Руслан Понамарёв - 1:0
Шамсиддин Воҳидов - Антон Коробов - 0,5 - 0,5

Аёллар терма жамоамиз

ЎЗБЕКИСТОН - ГРЕЦИЯ  - 2,5:1,5.
Афруза Ҳамдамова - Ставрула Тсолакидоу - 0:1
Умида Омонова - Анастаия Аврамидоу - 1:0
Маржона Маликова - Екатерини Павлидоу - 0,5 - 0:5
Нодира Нодиржонова - Харитомени Маркантонаки - 1:0