«Реал Мадрид» бош мураббийи Карло Анчелотти ҳозирда жамоа ўйинида баъзида етишмаётган мувозанатни қандай таъминлаш ҳақида ўйламоқда. Италиялик мутахассис «Реал» кўп вазиятлардан фойдалан олмаётганидан хавотирда, шу билан бирга улар рақибларга кўп вазиятлар яратишга имкон беряпти.
Вазиятдан келиб чиққан ҳолда, Анчелотти ярим ҳимояга қўшимча ўйинчи киритиши мумкин, яъни «Реал» тўртта ярим ҳимоячидан иборат таркибдан фойдаланиши мумкин. Бу ҳақда "Marca" хабар бермоқда.
Бу схема қийин ўйинларда, айниқса, сафар ўйинларида қўлланилиши мумкин. Тўрт ярим ҳимоячи билан «Реал Мадрид» сентябрь ойи охирида «Атлетико»га қарши сафарда ўйнаши кутилмоқда.
