"ПСЖ" марказий ҳимоячиси Преснел Кимпембе жиддий жароҳатидан тикланишда давом этмоқда.
Франциялик футболчи 2023 йилнинг февралида Ахиллес тендонини жароҳатлаган эди. Ўшандан бери футболчи - ўша пайтда 27 ёш, ҳозир эса 29 ёш - бирорта учрашувда иштирок этмади. Журналист Марк Мешенуанинг сўзларига кўра, Кимпембенинг умумий гуруҳдаги машғулотларга қайтиши октябрь ойи ўрталарида режалаштирилган. Марказий ҳимоячи қачон майдонга тушишга тайёр бўлиши номаълум.
Преснел Кимпембе Париж грандининг асосий жамоаси сафида 236 та ўйин ўтказиб, 3 та гол ва 2 та голли узатмага муаллифлик қилган.
