Мадриднинг «Реал» клуби бир йўла уч нафар футболчисини — яримҳимоячи Анхел Ди Мария, ҳимоячи Фабиу Коэнтрау ва ҳужумчи Гонсало Игуаинни — сотиши мумкин. Бу ҳақда «Marca» нашри хабар тарқатди.
Манбада ёзилишича, Коэнтрау фаолиятини инглиз клубларидан бирида давом эттириши мумкин экан. Ди Мария эса жамоага Гарет Бэйл олиб келиниши сабаб жамоани тарк этиши мумкин. Шунда у «Челси» бошқарувини олиши кутилаётган Моуриньо билан бирга кетиши кутилмоқда. Игуаинга эса ҳозирда Италиянинг «Ювентус» клуби қизиқиў билдирмоқда. Ҳозирча бу трансферларнинг молиявий шартлари маълум қилинмаяпти.
Қўшимча қилиб ўтиш жоиз, «Реал» шунингдек, 30 июнь куни шартномаси ниҳоясига етадиган Рикарду Карвалью ва «Челси»дан олинган ижара муддати тугаган Майкл Эссьен билан ҳам хайрлашади.