"Арсенал" бош мураббийи Микель Артета "Манчестер Сити"га қарши бўлиб ўтадиган АПЛ доирасидаги сафар ўйини ҳақида гапирди.
"Мавсум олдидан бу ўйинга тайёргарлик кўрдик. Биз тақвимни билардик ва олти кун ичида сафарда учта йирик ўйин ўтказишимиз кераклигини билардик.
Бу жуда кам учрайдиган ҳолат, лекин бу аллақачон содир бўлган. Шу боис бу ўйинларга руҳий, жисмоний ва тактик жиҳатдан тайёрландик.
"Аталанта" билан ўйиндан кейин тикланишимиз муҳим. Яхши ухлаш, яхши овқатланиш керак. Ҳамма ўйинни интиқлик билан кутмоқда", деди Артета жума куни бўлиб ўтган матбуот анжуманида.
