«Вест Хэм» бош мураббийи Хулен Лопетеги тез орада истеъфога чиқарилиши мумкин.

«Болғачилар» деярли 150 миллион евро пул сарфлаб, катта трансфер кампаниясини ўтказишди, аммо бу ҳали ҳеч қандай натижа бермади. Беш турдан сўнг Лондон жамоаси 4 очко билан АПЛ турнир жадвалида 14-ўринда бормоқда. Журналист Николо Скиранинг фикрича, Лопетегининг «Вест Хэм»даги истиқболи ноаниқ: чемпионатнинг навбатдаги икки ўйини – «Брентфорд» (28 сентябрь) ва «Ипсвич» (5 октябрь)га қарши ўйинлар испанияликнинг клубдаги кейинги тақдирини белгилаб беради.

Хулен Лопетеги жорий мавсум бошланишидан олдин ўз лавозимига киришганди.