"Барселона" жароҳати сабаб сафдан чиққан Марк-Андре тер Штегеннинг ўрнига ўринбосар қидиришни бошлади.
32 ёшли дарвозабон якшанба куни "Вильярреал"га қарши ўйинда тиззасидан жароҳат олди. Турли манбаларнинг таъкидлашича, Тер Штеген учун мавсум якунланган бўлиши мумкин. Diario Sport хабарига кўра, германиялик футболчининг ўрнига номзодлардан бири сифатида "Лас-Пальмас"дан Альваро Вальес танланган. 27 ёшли испаниялик футболчини "Барселона"да сотиб олиш имконияти қишки трансфер ойнасида пайдо бўлади.
Transfermarkt портали Вальеснинг нархини 12 миллион еврога баҳоламоқда. Дарвозабоннинг "Лас-Пальмас" билан шартномаси жорий мавсум охирида якунига етади.
