"Милан" марказий ҳимоячиси Маттео Габбия тез орада Италия терма жамоасида дебют қилиши мумкин.
24 ёшли футболчи яқинда бўлиб ўтган Милан дербиси қаҳрамонига айланди: айнан у 89-дақиқада ҳал қилувчи голни "Интер" дарвозасига йўллаб, "россонерилар"га узоқ кутилган ғалабани келтирди (2:1). Инсайдер Николо Скиранинг хабар беришича, ушбу ўйинни Италия терма жамоаси бош мураббийи Лучано Спалетти кузатган. Мутахассис бу баҳсда ҳали терма жамоага бирор марта чақирилмаган Габбияни алоҳида кузатди.
Марказий ҳимоячи "Милан" сафида 79 та ўйинда 5 та гол урган. 2019-2021 йиллар оралиғида Маттео Габбия Италия ёшлар терма жамоаси сафида еттита ўйин ўтказди.
