"Арсенал"нинг собиқ ҳужумчиси Ян Райтнинг фикрича, "Манчестер Сити" - "Арсенал" учрашувининг бош ҳаками Майкл Оливер Леандро Троссардни майдондан четлатиши мумкин эмас эди.
Райтнинг сўзларига кўра, Оливер буни ўйиндан кейин "канонирлар" ўйиндаги биринчи голни урганида ҳамма унинг хатосини муҳокама қилмаслиги учун қилган.
"Агар у Троссардни чиқариб юбормаганида, менимча, кўп гап Майкл Оливернинг Кайл Уокер билан қилган хатоси ҳақида бўларди. Ишончим комилки, қайсидир босқичда у ҳисобни тенглаштиришга ҳаракат қилди, чунки бу унинг ўша эпизодда қилган катта хатоси эди. Бундай ўйинда жуда кўп жиддий ҳакамлик хатолари бўлганидан чин дилдан хафа бўлдим", - деди Райт.
