Лондоннинг “Арсенал” клуби марказий ҳимоячиси Габриэль Магальянс “Манчестер Сити” ҳужумчиси Эрлинг Холанднинг ҳаракати ҳақида гапирди.
"Мен буни ҳатто эслолмайман ҳам. Бундай нарса нормалдир. Жанглар, провокациялар футбол учун оддий ҳодиса, ўйиннинг бир қисмидир. Ҳар қандай ҳолатда ҳам жамоани дуранг билан табриклайман. Энди ҳаммаси ўтмишда", — дейди Магальянс.
Эслатиб ўтамиз, норвегиялик футболчи "Арсенал" дарвозасига гол урилганидан кейин тўпни олиб, ҳимоячининг бошига улоқтирди. Эпизод ВАР томонидан кўриб чиқилди, бироқ қоида бузилиши қайд этилмади.
