"Ливерпуль" марказий ҳимоячиси Виржил ван Дейк мерсисайдликларнинг 25 ёшли ҳужумчиси Дарвин Нуньес ҳақида ўз фикрлари билан ўртоқлашди. Жорий мавсум уругвайлик футболчи инглиз клубининг асосий таркибидаги ўрнини йўқотди.
"Асосийси барқарорлик. У ўзини чеклаб қўймаслиги керак. Энди у кучини тиклаб, навбатдаги имкониятига эътибор қаратиши керак. Бу футбол. Жамоа унга мураббий ва мухлислар каби ёрдам беради", - дейди ван Дейк.
Жорий мавсумда Нуньес барча турнирларда бешта учрашувда қатнашиб, битта гол урди. Футболчининг клуб билан амалдаги меҳнат шартномаси 2028 йилнинг ёзига қадар амал қилади.
