"Liverpul" markaziy himoyachisi Virjil van Deyk mersisaydliklarning 25 yoshli hujumchisi Darvin Nunyes haqida o‘z fikrlari bilan o‘rtoqlashdi. Joriy mavsum urugvaylik futbolchi ingliz klubining asosiy tarkibidagi o‘rnini yo‘qotdi.
"Asosiysi barqarorlik. U o‘zini cheklab qo‘ymasligi kerak. Endi u kuchini tiklab, navbatdagi imkoniyatiga e’tibor qaratishi kerak. Bu futbol. Jamoa unga murabbiy va muxlislar kabi yordam beradi", - deydi van Deyk.
Joriy mavsumda Nunyes barcha turnirlarda beshta uchrashuvda qatnashib, bitta gol urdi. Futbolchining klub bilan amaldagi mehnat shartnomasi 2028 yilning yoziga qadar amal qiladi.
