Германия терма жамоасининг собиқ ярим ҳимоячиси Лотар Маттеус "Барселона" дарвозабони Марк-Андре тер Штегеннинг жароҳати ҳақида гапирди.
"Кеча кечаси Марк-Андре тер Штегеннинг жароҳати акс этган лавҳаларни кўриб, кўзимга ёш келди. У Германия терма жамоасида узоқ йиллар Мануэль Нойер соясида яшашга мажбур бўлди. Энди эса жаҳон чемпионатига йўл очилиб, у жамоада биринчи ўринда турганида... Бу шафқатсиз.
Бироқ, у имкон қадар тезроқ ўзига қайтиши ва у учун мавсум тугагани ва кейинги йилгача майдонга қайтмаслигига рози бўлиши керак", - дейди Маттеус.
