Ўзбекистон Суперлигаси 20-туридан ўрин олган “Навбаҳор” – “Сўғдиёна” жамоалари ўртасидаги учрашув арафасида “лочинлар”нинг 27 ёшли тажрибали ярим ҳимоячиси Жамшид Болтабоев бўлажак баҳс ҳақидаги фикрлари билан ўртоқлашди.

- Мазкур ўйин ушбу турнинг марказий учрашувларидан бири. Боиси, жорий мавсумда ҳар икки жамоа совриндорлар сафидан жой олиш мақсадида курашмоқда.

Шу боис, бўлажак беллашувни бемалол 6 очколик ўйин деса ҳам бўлади. Шунинг учун ушбу учрашувнинг шиддатли ҳамда кескин курашлар остида кечиши эҳтимоли юқори. Биз бўлажак баҳсда зафар қучиб, мухлисларга қувонч улашиш учун барча имкониятимизни ишга соламиз.
Ишқибозлардан эса мазкур ўйинда жамоамизни бевосита стадионда муносиб тарзда қўллаб-қувватлаб, ғалабамизга мададкор бўлишларини сўраб қоламан. Биз эса таъкидлаганимдек, уларнинг ишончларини оқлаш учун рақибни мағлубиятга учратишга ҳаракат қиламиз.

Фурсатдан фойдаланиб, жамоамизга барча шароитларни яратиб бераётган Наманган вилояти ҳокими Шавкатжон Шокиржанович Абдураззоқов ва клуб вице-президенти Отабек Арифович Саматовларга жамоамиз номидан миннатдорчилик билдираман.

Жорий мавсумда жамоамиз ўз олдига қўйган мақсадига эришади, деган умиддаман, – деди Жамшид Болтабоев.