Мадриднинг “Реал” клуби бош мураббийи Карло Анчелотти Ла Лига рекордчисига айланди.
“Қаймоқранглилар” еттинчи тур учрашувида ўз майдонида “Алавес”ни мағлуб этди (3:2). Аввал хабар қилинганидек, “Реал” чемпионатдаги мағлубиятсиз сериясини 39 та ўйинга етказди.
Шу билан бирга, MisterChip маълумотларига кўра, мураббийликдаги мағлубиятсиз рекорд энди Анчелоттига тегишли.
Гап шундаки, Барселона" рекорд сериясига Луис Энрике ва Эрнесто Вальверде қўл остида биргаликда эришган, “Реал” эса италиялик мутахассис қўл остида барча 39 ўйинни ўтказган. Бунгача Ла Лигада ҳеч бир мураббий бунга эриша олмаган.
