Сешанба оқшомида "Реал" "Алавес"ни мағлуб этди (3:2) ва Ла Лига турнир жадвалида "Барселона"га яқинлашди. "Лос-Бланкос" уч очко жамғарганига қарамай, ҳакамликдан норози эди. Мадрид жамоаси клуб телевидениесидаги видео орқали ўз позициясини етказди.
"Жирканч ҳакамлик. Шубҳали қарорлар. Савол "Реал Мадрид" футболчилари кейинги ўйинда қанча карточка олишларида. Якшанба куни "Атлетико"га қарши нима бўлишини ким билади. Ҳакамлик жуда ёмон. "Реал Мадрид" футболчилари ухлаб ётганида ҳам уларга карточкалар берилишини инкор этиб бўлмайди", - дейилади хабарда.
