Ҳужумкор ярим ҳимоячи Жамол Мусиала мунтазам равишда трансфер ҳақидаги миш-мишларга сабаб бўляпти. Бироқ “Бавария” иқтидорли футболчини ўз сафида сақлаб қолишга аҳд қилган.

Мюнхенликлар аллақачон Мусиала билан шартномани узайтириш борасида музокараларни бошлаб юборишган. Футболчининг амалдаги меҳнат шартномаси 2026 йилнинг ўрталарига қадар амал қилади.

Журналист Максимилиан Кохнинг ижтимоий тармоқларда хабар беришича, "Бавария" ва Мусиала ўртасидаги музокараларнинг бошланиши ижобий кечди.

Томонлар ўртасида яхши суҳбат бўлиб ўтди, уларнинг келажакдаги мақсадлари бир-бирига тўғри келди.