"Манчестер Юнайтед" бош мураббийи Эрик тен Хаг Европа лигаси умумий босқичи 1-турида "Твенте" билан дуранг (1:1) ҳақида фикр билдирди.
"Биз “Твенте”га ўйинда қолишига рухсат бердик. Учрашувни назорат қилиб, 1:0 ҳисобида олдинда бораётгандик... Иккинчи бўлимда ҳам совуққонлик кўрсатиб, худди шу руҳда давом этишимиз керак эди.
Биз ишни тугата олмадик. Иккинчи голни уришимиз керак эди, лекин ўз хатомиз учун жазоландик. Пешқадамликни қўлга киритганингиздан сўнг, бориб кўпроқ гол уриш керак. Ҳа, бу бизнинг Европа лигасидаги илк ўйинимиз эди, бироқ ғалаба қозониш жуда муҳим эди", — дея Тен Хагнинг сўзларини келтиради УEФА расмий сайти.
“Манчестер Юнайтед” Европа Лигаси доирасидаги навбатдаги ўйинини 3 октябрь куни “Порту”га қарши ўтказади.
