“Галатасарой” бош мураббийи Окан Бурук Европа лигасининг янги формати унга ёққанини айтди.

2024/25 йилги мавсумдан бошлаб жамоалар ҳар бири 4 та иштирокчидан иборат 8 та гуруҳга бўлинмайди. Турнирдаги клублар сони 32 тадан 36 тага оширилди, барча жамоалар бир хил жадвалда. Ўйинлар сони 6 тадан 8 тага кўпайтирилди.

Умумий босқич якунига кўра энг яхши саккизта жамоа 1/8 финалда гуруҳда 9-24-ўринларни эгаллаган клублар 1/16 финалда иштирок этади.

“Турнирнинг янги формати жуда қизиқ. Ғалабадан сўнг биз дарҳол жадвалга қараймиз ва бошқа ўйинларни кузатиб борамиз. Кучли 8 таликка кириш жуда муҳим бу бизнинг асосий мақсадимиз. Саккиз хил рақибга қарши саккизта ўйин қизиқарли тажриба бўлади", - дея Бурук сўзларини келтиради УEФА расмий сайти.

25 сентябрь, чоршанба куни “Галатасарой” умумий босқичнинг 1-тур учрашувида ПАОКни мағлуб этди (3:1).